2 tulak utas sa shootout

PATAY ang dalawang hinihinalang drug pusher makaraan lumaban sa buy-bust operation ng pulisya sa Brgy. Mabolo sa Malolos City, Bulacan, kahapon ng medaling-araw.

Ayon sa ulat mula kay Supt. Heryl Bruno, hepe ng Malolos City Police, pinaputukan sila ng dalawang suspek na kinilalang sina alyas Enteng at alyas Noli, kaya napilitan silang gumanti ng putok.

Makaraan ang ilang minutong palitan ng putok, binawian ng buhay ang mga suspek.

Narekober sa dalawang suspek ang dalawang kalibre .38 at isang sachet ng hinihinalang shabu.

(MICKA BAUTISTA)