HATAW! D'yaryo ng Bayan hatawtabloid.com
AFTER lumabas ang balitang ‘di na gagawin ni Angel Locsin ang pagsasapelikula ng Darna na katha ni Mars Ravelo dahil sa kanyang health problem, may kanya-kanyang grupo ng fans ang nagsa-suggest sa posibleng pumalit.
Ilan sa lumutang na mga pangalan na talaga namang isinusulong ng kani-kanilang fans at pasok sa survey na maging next Darna ay si Miss Universe Pia Wurtzbach. Kapag si Pia ang naging Darna, puwede itong tawaging Darna and the Universe.
‘Di rin nagpakabog ang fans nina Liza Soberano, Nadine Lustre, Kathryn Bernardo, Jessy Mendiola, Yassi Pressman, Sofia Andres, Julia Barretto, Maja Salvador, Sarah Geronimo na isinusulong din para mag-Darna.
Sa ngayon ay wala pang announcement kung sino ba ang magiging Millenial Darna sa mga nabanggit na pangalan at susunod sa yapak nina Vilma Santos, Anjanette Abayari, Sharon Cuneta, Marian Rivera, Nanette Medved, at Angel Locsin.
Hiro, fan ng Power Rangers
HINDI naiwasang maiyak ng Kapuso actor na si Hiro Peralta nang mapanood sa block screening ng Power Rangers na ginanap sa Cinema 1 ng Trinoma at hatid ng 97.1 Brgy. LS FM, hosted by Ate Liza.
Sobrang saya ni Hiro nang mapanood sa big screen ang kanyang paboritong Power Rangers, kaya naman game na game itong nagpalitrato sa mga cosplayer na naka-costume ng Power Rangers.
Big fan pala ng Power Rangers si Hiro na may collection ng iba’t ibang Power Rangers Memorabilia at ang paborito niya ay si Red Rangers. Kung mapapansin ninyo ang personal Twitter ng actor, HiroRangers ito gayundin ang fans club niya.
Isa nga sa dream nito ay mabigyan ng role ng isang hero katulad ni Red Ranger sa kanyang mga susunod na proyekto. Sa ngayon ay ang boses niya ang ginamit sa pagbabalik ng Voltes V sa telebisyon bilang si Big Bert at regular na napapanood sa Unang Hirit bilang segment host.
RMES Salon, puntahan ng mga celebrity
ISA si Ronel M Egang o mas kilala bilang si RMES sa mga baguhang hair and make up artist sa bansa ang nagiging paboritong puntahan ng local celebrities dahil sa husay sa hair styling at pagme-make up. Si RMES din ang may-ari ng RMES Salon.
Ilan dito ang yumaong si Master Showman Kuya Germs Moreno gayundin sina Loisa Andalio, Sam Concepcion, John Manalo, Jhake Vargas, Ruru Madrid, Rocco Nacino, childstar Igiboy Flores at Alonzo Muhlach, Shirley Fuentes, and celebrity surgeons Dr’s Manny and Pie Calayan, Kokoy De Santos atbp..
Dalawa na ang branch nito ng RMES Salon, isa sa Cavite at sa Manila at balak pa nitong magkaroon ng ilan pang branches ngayong taon.
Tsika ni RMES, ”I always continued to educate myself by attending hair and makeup workshops.
“Recently I join HairAsia at nanalo ako bilang 1st runner up sa Evening Make Up and Hairstyling category.
“And I also attended the Intermediate Makeup Course in the highly reputable school of fashion and the srts,” giit pa ni RMES.
MATABIL – John Fontanilla
