5 sugatan sa warehouse fire sa pasay

LIMA ang sugatan, kabilang ang dalawang bombero, nang masunog ang isang 4-palapag na bodega sa Arnaiz Avenue, Brgy. 108, Pasay City, nitong Miyerkoles.

Dakong 6:00 pm nang sumiklab ang sunog sa gusaling pag-aari ng Ramish Trading Corporation, ginagamit bilang warehouse ng mga gamit sa bahay.

Ayon sa Bureau of Fire Protection, pahirapan ang pag-apula ng apoy, dahil maraming gamit sa ikatlo at ika-apat palapag, na pawang yari sa plastic.

Patuloy itong nagliyab kahit ginamitan na ng kemikal.

Umabot sa ikatlong alarma ang sunog, bago ito nakontrol dakong 11:30 pm, ayon kay Pasay City Fire Marshal, Supt. Carlos Dueñas .

Iniimbestigahan pa ng BFP ang sanhi ng sunog, tumupok sa P500,000 halaga ng mga ari-arian.

(JAJA GARCIA)