Binatilyo dedo sa trailer truck sa Quezon

NAGA CITY – Binawian ng buhay ang isang menor de edad habang sugatan ang isa pa sa salpukan ng motorsiklo at trailer truck sa Calauag, Quezon

Kinilala ang biktimang namatay na si Jimuel Am-paro, 16-anyos.

Ayon sa ulat, binabaybay ng isang trailer truck at motorsiklo ang parehong direksiyon ng kalsada sa Brgy. Sto. Domingo sa naturang bayan nang mawalan ng kontrol ang motorsiklo na minamaneho ng hindi na-kilalang driver lulan si Amparo.

Bunsod nito, sumalpok sa unahan ng trailer truck ang motorsiklo na naging daan upang mahulog ang biktima na pumailalim sa truck at nagulungan ng naturang sasakyan.

Isinugod sa ospital ang biktma ngunit idineklarang dead on arrival ng mga doktor.

Nagpapagaling sa ospital ang driver ng motorsiklo habang iniimbestigahan ng pulisya ang insidente.