Ellen, hirap na sa pagpapa-sexy

NAGPAPA-KONTROBERSIYAL at nagpapa-cute na naman itong si Ellen Adarna dahil bigla na lang niya kaming tinalikuran noong tanungin siya tungkol sa litratong naghahalikan sila ni Presidential son, Baste Duterte na kumalat sa social media kamakailan.

Madali namang sagutin ng ‘oo o hindi’ ang tanong namin.

”Ah, that is not, ah, ah” nauutal na sagot ng dalaga pagkatapos ng Q and A prescon ng Langit Lupa.

Mabuti na lang at hindi barubal ang pagkakasabi ni Ellen kaya hindi kami nakaramdam ng galit o inis kundi nakakataka lang.

Hindi naman siya nag-ala Mercedes Cabral kaya palalampasin namin si Ellen.

Wholesome na ang image ngayon ni Ellen dahil kasali siya sa seryeng pambata bukod pa sa may cameo role siya sa The Greatest Love bilang batang Sylvia Sanchez.

Tinanong nga si Ellen kung hindi ba siya naiilang ngayon dahil wholesome na ang papel niya pagkatapos ng Pasion de Amor na private parts lang ang hindi nakalitaw.

“Actually, hindi naman po kasi sanay ako sa mga bata. Ako ’yung eldest (sa family), so, growing up, inalagaan ko ’yung mga kapatid ko rin. I have four younger brothers,” katwiran ni Ellen.

At hindi na raw niya nami-miss ang sexy role, “hindi na, actually, mas gusto ko nga, eh (wholesome). Ang hirap kayang magpa-sexy.”

Dagdag pa, “hindi naman sa ayaw ko. Mahirap magpa-sexy, ’yun lang. Alam naman ng lahat ’yan, mahirap magpa-sexy.”

Si Patrick Garcia ang love interest ni Ellen pagkatapos mamatay ng asawa nitong si Alessandra de Rossi.

Ang ibang kasama sa Langit Lupa ay sina Yesha Camille at Xia Vigor, Yam Concepcion, Jason Abalos, Tommy Esguerra, Miho Nashida, Jairus Aquino, Sharlene San Pedro, Kitkat, Buboy Garovillo, Viveika Ravanes mula sa direksiyon nina Carlo Po Artillaga at Myla Ajero-Gaite mula sa unit ni direk Ruel S. Bayani.

FACT SHEET – Reggee Bonoan