Wednesday , October 5 2022
Bulabugin ni Jerry Yap
Bulabugin ni Jerry Yap

Hanggang magkano ang isisirit ng dolyar?!

KUNG kailan Pasko, saka sumisirit pataas ang halaga ng dolyar.

Halos P50 na ang isang dolyar.

At posibleng tumaas pa?!

Ilang mga bihasang ekonomista ang nagsasabi na puwede umanong umabot hanggang P55 pa hanggang sa Bagong Taon.

Araykupo!

Natuwa naman ang overseas Filipino workers (OFWs) at ang pamilya nilang nakabase sa bansa, dahil tumaas ang palitan ng dolyar sa piso.

Pero mukhang hindi nila nauunawaan na ang ibig sabihin nito ay pagbagsak ng halaga ng piso. Mataas nga ang palit ng dolyar pero magtataasan din ang presyo ng mga bilihin at iba pang gastusin sa bahay gaya ng koryente, gasul, atbp.

‘E di wala rin saysay kapag tumaas man ang palitan?!

Nangangamba na rin ang mga negosyante at mga importer. Ibig sabihin kasi nito, mas maraming piso ang ilalabas nila para matapatan ang halaga ng mga inaangkat nilang produkto sa presyong dolyar.

092616-peso-dollar

Mukhang kailangan nang tipunin ni Pangulong Rodrigo “Digong” Duterte ang kanyang economic experts at bright boys at hayaan na muna sa pulis ang laban sa ilegal na droga.

Ngayon ang panahon na kailangan munang magtuon ng pansin si tatay Digong sa ekonomiya.

Alam n’yo naman ang Central Intelligence Agency (CIA) kapag nagplano sila laban sa isang lider ng bansa na hindi sumusunod sa gusto nila, ang unang tinitira ng mga ‘yan ay ekonomiya ‘di ba?

Naalala ba ninyo si Salvador Allende ng Chile? Hindi ba’t naglunsad ng artipisyal na food shortage sa lungsod sa pamamagitan ng strike ng mga driver ng trucking services? Ang resulta: nabulok ang mga ani at pagkain mula sa kanayunan habang nagutom naman ang mga nasa kalunsuran dahil wala ngang dumarating na pagkain. Doon nagsimula ang krisis ni Allende hanggang maglunsad ng kudeta ang military sa pamumuno ni Augusto Pinochet. Pinalabas ng military na nagpakamatay si Allende sa pamamagatan ng armalite na regalo sa kanya ni Fidel Castro. Pero marami ang nagduda na pinatay at hindi nagpakamaty si Allende.

Sana ay hindi po mangyari ‘yan kay tatay Digong.

Kaya tatay Digs, please lang po, pagtuunan ninyo ng pansin kung ano ang nangyayari ngayon sa ating ekonomiya.

PNP ret. C/Supt. BENJAMIN
DELOS SANTOS
BAGONG BuCor DIRECTOR

093016-nbp-bilibid

Nagpasalamat kay Justice Secretary Vitaliano Aguirre si retired PNP C/Supt. Benjamin delos Santos dahil sa tiwala at pagkakatalaga sa kanya bilang bagong director ng Bureau of Corrections (BuCor).

Para kay bagong BuCor Director Delos Santos, isang malaking pagtitiwala at hamon ang iginawad sa kanya ni Secretary Aguirre at ni Pangulong Rodrido “Digong” Duterte mismo.

Sa gitna nga naman ng kontrobersiya sa droga, kriminalidad at korupsiyon sa loob ng National Bilibid Prison (NBP), siya na isang pulis ang itinalaga ng Pangulo.

Aniya, mahabang panahon na ang BuCor at Bilibid ay hindi nakatatanggap ng sapat na administrative and budgetary support.

Mantakin ninyong ang ratio nito ngayon ay 1:300. Ibig sabihin isang jailguard sa 300 preso. Umabot na rin sa 16,000 ang populasyon ng NBP. Nagsisiksikan sila sa estrukturang para lamang sa 5,000 preso.

At dahil sa kakulangan sa jailguard, mismong mga ‘mayor’ o gang leader ang ginagawang kanang kamay ng mga jailguard para pangalagaan ang kanilang kapwa preso.

Okey lang ito kung maayos ang mayor o gang leader, e paano kung gamitin din sa kawalanghiyaan ang mga kapwa-preso niya?!

Isa sa mga inaasahan ni BuCor Director Delos Santos ay mai-release ang pondo para sa 2013 BuCor modernization law. Isinusulong na raw ito ni Secretary Aguirre at hinihintay na lang ang approval ng DBM.

Malaking bulto ng budget na ito ay ilalaan sa malaki at expandable na correctional facility sa Fort Magsaysay. Malawak ito at kayang mag-accommodate ng mga preso na kailangang sumailalim sa rehabilitation program.

Kung ganito ang mangyayari, ang ating penitentiary, bilang 5th pillar ng criminal justice system ay magiging matagumpay sa kanilang reformatory and penology mandate.

Para kay Director Delos Santos, ang kanyang pangarap na correctional academy na magsasanay at magbibigay ng sapat na kaalaman sa mga propesyonal na prison guard at reformation specialists na susuweldo alinsunod sa upgraded salary standard ay hindi malayong magkaroon ng kaganapan ngayon sa ilalim ng Duterte administration.

Sa pamamagitan umano nito, siya’y magiging instrumento para sa transisyon sa isang modernong correctional system na ligtas sa nakahahawang kapaligiran ng korupsiyon at criminal activities.

Saludo tayo kay BuCor Director Benjie delos Santos!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Dragon Lady Amor Virata

Mga tatay na walang sustento sa inabandonang anak, mananagot

Isumbong mokay DRAGON LADYni Amor Virata LAGOT ang mga ama ng sanggol na isinilang ng …

Sipat Mat Vicencio

Sobrang yabang ni Senator Tol

SIPATni Mat Vicencio KUNG TUTUUSIN, halos dalawa at kalahating taon pa bago ang nakatakdang midterm …

ULINIG ni Randy V. Datu

Kabayaran ng katigasan ng ulo sa panahon ng kalamidad

ULINIGni Randy V. Datu MAPAGPALANG ARAW sa ating lahat. Ating naulinigan na maaliwalas na ang …

FIRING LINE ni Robert B. Roque, Jr.

Sino’ng nakikinig kay Bongbong?

FIRING LINEni Robert B. Roque, Jr. MALIWANAG na ang pinakamahalagang natamo sa biyahe kamakailan ni …

AKSYON AGAD ni Almar Danguilan

QC Jail PDLs, nabigyan ng pag-asang makapagtapos sa K12

AKSYON AGADni Almar Danguilan ANAK mo ba’y nakakulong ngayon sa Quezon City Jail Male Dormitory …

Leave a Reply