HATAW! D'yaryo ng Bayan hatawtabloid.com
LIMANG hinihinalang sangkot sa droga ang napatay ng mga pulis sa operasyon sa hinihinalang drug den sa Norzagaray, Bulacan nitong Linggo ng gabi.
Kinilala ng Norzagaray Police Station ang mga napatay na sina Richard Calonzo, Angel Ivano, Levi Mateo, Chito Talento at isang alyas Neneng Bokser.
Ayon sa pulisya, nagsilbi ang mga operatiba ng search warrant sa Brgy. FVR dakong 11:30 p.m. ngunit pinaputukan sila ng limang suspek na nagresulta sa palitan ng putok.
Napag-alaman, nagsasagawa ng pot session ang mga suspek nang salakayin ng mga awtoridad ang hinihinalang drug den sa lugar.
( MICAH BAUTISTA )
