Vargas bagsak sa 6th round (Prediksiyon ni Gen. Bato sa laban ni Pacman)

LAS VEGAS – Binisita ni PNP Director General Ronald “Bato” Dela Rosa kahapon (PH time) si Manny “Pacman” Pacquiao sa huling dalawang araw na pagsasanay ng senador para sa laban kay Jessie Vargas.

Si Dela Rosa ay nagtungo sa US kasama ng kanyang anak na si Rock upang panoorin ang laban ni Pacquiao nang “live” sa Nobyembre 5 (US time) sa Thomas & Mack Center sa Las Vegas, Nevada.

“Nandito ako kasi gustong-gusto ko talaga manalo si Manny. I’m a big fan,” pahayag ni Dela Rosa.

Sa pagtataya ni Dela Rosa, maaaring mapabagsak ni Pacquiao si Vargas sa ika-anim na round.

“Knock out ‘yan kasi hindi tumatakbo ‘yung kalaban.”

Magugunitang hinulaan ng police chief kamakailan ang Game 6 championship victory para sa Barangay Ginebra Gin Kings, na nagkatotoo.

Ayon kay Dela Rosa, ito ang ikatlong pagkakataon na mapapanood niya si Pacquiao sa boxing ring.

HATAW NEWS TEAM