Hostage-taker na bangag todas sa parak (Babae, bata, sugatan)

PATAY sa mga pulis ang isang lalaking sinasabing bangag sa droga makaraan i-hostage ang isang batang babae, isang sanggol, at isang babae sa Dasmariñas, Cavite nitong Sabado ng hapon.

Kinilala ang napatay na si Peter Abingcula, ini-hostage ang isang 8-anyos batang babae at isang-taon gulang na sanggol na babae, gayondin ang 21-anyos na si Marian Famarin.

Ayon kay Supt. Boy Hernandez, hepe ng Dasmariñas City police, pinasok ng suspek ang bahay ng mga biktima sa Rembulat Compound sa Brgy. Salitran 1 at tinutukan ng kutsilyo ang mga biktima.

Ayon kay Hernandez, bangag sa droga ang suspek nang i-hostage ang mga biktima.

Aniya, napilitan silang pasukin ang bahay upang i-neutralize si Abingcula nang simulang saksakin ang mga biktima.

Nasugatan sa insidente ang dalawa sa mga biktima, kabilang ang 8-anyos batang babae at si Famarin,

Hindi pa mabatid ng pulisya kung ano ang dahilan ng suspek sa pag-hostage sa mga biktima.