Drug pusher, 4 user arestado sa drug ops

ARESTADO sa buy-bust operation ang isang hinihinalang tulak ng shabu gayondin ang apat hinihinalang drug user kamakalawa ng gabi sa Valenzuela City.

Ayon kay Valenzuela City Police chief, Senior Supt. Ronaldo Mendoza, dakong 10:30 pm nang ikasa ng mga awtoridad ang buy-bust operation na nagresulta sa pagkakadakip kay Edward Orquero, 25, sa kanyang bahay sa 4359 L. Bernardino St., Gen. T. De Leon ng nasabing lungsod.

Habang naaresto habang gumagamit ng shabu ang mga suspek na sina Arlie Jay Reponte, 23; Marjorie Valenzuela, 20; at dalawang menor de edad.

( ROMMEL SALES )