2 pusher utas sa parak

PATAY ang dalawang hinihinalang drug pusher makaraan makipagbarilan sa mga operatiba ng Quezon City Police District (QCPD) sa buy-bust operation kahapon ng madaling araw sa Novaliches ng nasabing lungsod

Sa ulat kay QCPD director, Sr. Supt. Guillermo Lorenzo T Eleazar, ang mga napatay ay sina ErlindoTorres at Wilfredo Dela Cruz, kapwa residente ng Rockville 1, Brgy. San Bartolome, Novaliches.

Ayon sa ulat, naglatag ng buy-bust operation ang mga operatiba ngunit nakipagpalitan ng putok ang mga suspek sa mga pulis na nagresulta sa kanilang pagkamatay.

Samantala, isang hinihinalang tulak ng droga ang napatay makaraan makipagbarilan sa mga operatiba ng Quezon City Police District (QCPD) Fairview Police Station 5 kahapon ng madaling araw sa nabanggit nalungsod.

Kinilala ang napatay na si Leonel Lipata alyas Tukne, 39, residente ng 202 Calderon St., Brgy. Sta. Lucia, Quezon City. ( ALMAR DANGUILAN )