HATAW! D'yaryo ng Bayan hatawtabloid.com
PATAY ang isang hindi pa nakikilalang lalaki makaraan mahulog mula sa ika-20 palapag ng Berkeley Residences building sa Katipunan, Quezon City nitong Martes.
Maputi at balbas sarado ang biktima at tinatayang nasa 25 hanggang 30 anyos ang edad.
Ayon sa mga nakasaksi, laking gulat na lamang nila nang marinig ang malakas na kalabog makaraan tuluyang mahulog ang biktima sa gilid mismo ng gusali katapat ng isang banko.
Naisugod pa ang biktima sa Quirino Memorial Medical Center ngunit dahil sa tindi ng pinsala sa ulo, agad siyang binawian ng buhay.
Ayon kay SPO2 Robert Cajiles ng QCPD Station 9, inaalam pa kung posibleng suicide o kung may foul play sa insidente
Wala pang ibinibigay na pahayag ukol dito ang Berkeley Residences.
