Koreano nagbigti sa NAIA

ISANG Koreano ang natagpuang nakabigti sa door hook ng cubicle no. 2 sa comfort room ng Exclusion Room ng NAIA Terminal 3 dakong 7:28 pm kamakalawa.

Ayon sa ulat, natagpuan ng janitress on duty na si Michelle N. Ocampi ang bangkay ng biktimang si An San Kwan, 50, male Korean national, kabilang sa pasahero ng flight 5J 311 (Taipei-Manila).

Bunsod nito, agad ipinaalam ni Ocampi ang insidente kay Operation Assistant Leonardo Cerezo, Jr., on-duty sa Exclusion room.

Napag-alaman, nagbigti ang biktima gamit ang bag strap sa door hook ng cubicle no. 2 habang nakaupo sa sahig.

Agad nagtungo sa lugar sina GM Ed Monreal at TM-T3 Ric Medalla upang pangasiwaan ang imbestigasyon sa insidente.