HATAW! D'yaryo ng Bayan hatawtabloid.com
NAGHUBO’T hubad ang mahigit 100 kababaihan bilang pagprotesta sa pag-upo sa White House ni Donald Trump para manungkulan bilang pangulo ng Estados Unidos.
Dumagsa ang mga babae sa bisperas ng Republican National Convention, para basbasan ang New York billionaire bilang nominee ng partido para sa pagkapangulo, makaraang magwagi sa primary race sa kabila ng mga pangambang magbubunsod ito ng pagkakahiwa-hiwalay sa pamahalaan.
“He is a loser,” wika ng photographer na si Spencer Tunick sa panayam ng AFP matapos ang kanyang sunrise shoot ng 130 kababaihang nagsipag-pose nang walang saplot sa katawan. Ang larawan ng isa sa mga nag-pose na babae ang ga-gamitin sa anti-Trump campaign bago ang eleksiyon sa Nobyembre 8.
Nagbigay ng permiso ang may-ari ng larawan, ani Tunick, kaya kahit ipinagbabawal ang ‘public nudity’ sa Cleveland, hindi napanghimasukan ng pulisya ang nude photo shoot.
Binansagang “Everything She Says Means Everything,” nilahukan ang pambihirang photo art ng kababaihang may iba’t ibang hugis, kulay at laki, na hawak ang mga salamin habang nakaharap sa convention center.
Ipinaliwanag sa website ni Tunick na sumasalamin ang mga dalang salamin ng babae sa kaalaman at karunungan ng progresibong kababaihan at konspeto ng Inang Kalikasan sa convention center, cityscape at horizon ng Cleveland.
Kilala si Tunick sa kanyang mga pambihirang paglalarawan ng mga hubbad na babae at lalaki, ngunit sinabi rin niya sa AFP na naniniwala siyang ito na ang most political shoot na kanyang ginawa dahil naramdaman ni-yang kailangan niyang umaksiyon sa kasalukuygang situwasyon ng politika sa US.
“Hindi sapat na bumoto tayo laban kay Trump sa Nobyembre. May dalawang anak ako at asawa,” aniya. “Hindi ako makapaniwala sa lengguwahe at retorika ng galit laban sa kababaihan at mga minority na nagmumula sa Republican Party.”
Idinagdag niya na kai-langan niyang kumilos para makontra ang ganitong uri ng ‘katangahan.’
ni Tracy Cabrera
