HATAW! D'yaryo ng Bayan hatawtabloid.com
SUMASALI palang noon sa The Voice Kids si Darren Espanto ay bininyagan na kaagad siya bilang Total Performer hanggang sa naging ganap na recording artist. ‘Di lang mga Pinoy ang humanga kay Darren, pati foreigners.
In fact, may mga reaction videos ang ilang foreigners tungkol sa kakaibang taas ng boses ni Espanto lalo na nang mag-guest ito sa Wish FM station na mayroong pakulo sa isang mobile bus na kumakanta ang guests.
Kinanta ni Darren ang Chandellier ni Sia at namangha ang mga foreigner dahil kuhang-kuha ni Darren kahit ang pinakamataas na nota at may part pa na mas lalong tinaasan ng batang singer
Pero mas lalo sigurong mamamangha ang mga foreigner sa latest video ni Darren dahil kinanta niya ang bagong kinababaliwan ng mga kabataan, ang Secret Love Song na kinanta ng Little Mix featuring Jason Derulo. Kinanta ito ni Darren sa isang Kapamilya live event.
For sure, mas maraming foriegners na naman ang magre-react at pupuri sa kakaibang range ni Darren.
Gustong-gusto ko rin ‘yung guesting ni Darren sa Myx. Nag-disguise siya at kumanta sa videoke sa isang mall. Noong una ay dinadaan-daanan lang siya ng mga tao kahit na ang ganda-ganda ng kanyang boses.
Hindi talaga siya nahalata pero nang tanggalin niya ang kanyang wig at eye glass, ayun, namroblema na ang mga security guard sa pag-control ng crowd.
Kamakailan ay nagkaroon ng first major concert si Darren at doon ipinamalas ang ganda at taas ng boses. Gustong-gusto ko ang version niya ng 7 Years ni Lukas Graham.
Pero sa totoo lang, contestants palang ng The Voice Kids si Darren ay humanga na ako sa kanya. Pang international kasi ang kanyang dating. ‘Yun bang tipong hindi mo na kailangang turuan dahil parang alam na niya lahat pati pagpe-perform.
Humanga rin ako kay Darren ng todo nang kantahin niya ang Tell The World of His Love during the Papal Visit sa UST although hindi na-pokus kay Darren ang kamera pero ang galing-galing niya.
MAKATAS – Timmy Basil
