Amazing: Pusa at Black bear naging BFF sa California Zoo

TAWAGIN na lamang sila bilang ‘unlikely couple’. Isang ligaw na pusa ang sinasabing naging BFF sa isang lalaking black bear.

Sinabi ng zookeepers sa Folsom, California, ang pusa ay nagkaroon ng hindi ordinaryong kaibigan sa katauhan ng isang 550-pound beast na si Sequoia nang mapagawi sa bear exhibit.

Sa isa sa ilang adorable videos na ini-post ng Folsom City Zoo Sanctuary ay makikita ang itim na pusa, tinawag ng zookeepers na si “Little Bear” habang naghahanap ng pagkain, ilang talampakan lamang ang layo mula sa malaki niyang kasama.

Unang pumasok ang pusa sa bear exhibit upang kainin ang dog food na inilatag para kay Sequoia at sa kasama niyang babae, si Tahoe, na hindi pinansin ng pusa, ayon sa sanctuary officials.

“Once she started coming in here on a regular basis, we started putting food out for her in the morning as well,” pahayag ni senior keeper Jill Faust sa KXTV.

Bagama’t si Sequoia at ang pusa ay hindi talagang naglalaro,  sinabi ni Faust, “they usually stay pretty close.”

“Often when Sequoia takes a hike through the ‘bear forest’ his cat friend walks with him,” pahayag ng zoo sa ABC News. “She rubs against walls and visitors can hear her raspy purr from quite a distance.”

Ilang bisista ang nagpahayag ng pangamba sa nasabing pagkakaibigan, at sinabing maaaring humantong iyon sa trahedya, ayon sa Inside Edition.

Ngunit sa kabila na ang ‘companionship’ ay lumabas lamang sa headlines nitong nakaraang linggo, ang dalawa ay ilang buwan nang magkaibigan.

Patunay na kapwa sila nag-e-enjoy na sila ay magkasama. (THE HUFFINGTON POST)