Kiray, pinatunayang siya ang Comedy Princess sa I Love You To Death

DINUMOG ng manonood ang premiere night ng pelikulang I Love You To Death ng Regal Entertainment at The IdeaFirst Company na pag-aari nina Direk Perci Intalan at Jun Lana. Kaya naman sobrang happy ang mga bida rito na sina Enchong Dee at Kiray Celis, na sobrang kuwela sa pelikula. Napuno nang tilian, tawanan, at kilig ang sinehan na hanggang sa aisle at hagdanan ay punong-puno ng viewers.

“Nakakatuwa iyong mga tao sa reaction nila sa movie namin,” saad niya. Dagdag pa ni Kiray, “Lahat ng blessings na dumarating sa akin, feeling ko, time ko lagi. Kaya every blessings counts talaga.”

Sinabi rin ni Kiray na may pressure sa kanya ang bansagang Comedy Princess, pero lalo na kung tatawagin daw siyang Comedy Queen.

Puwede kang bansagan ngayon bilang Horror-RomCom Queen, okay ba iyon sa kanya? “Puwede, why not, why not? At least, mag-isa lang ako roon,” nakangiting sagot niya.

Ukol naman sa intimate scenes nila ni Enchong, sinabi niyang normal na eksena lang iyon na kailangang gawin. “Wala naman akong pinipili at saka in a good way naman ‘yung naglalambingan kami, hindi iyon kalandian lang.

“Sino ba namang artista ang papayag na magmukhang bastos sa isang eksena, di ba? Wala naman eh, so as much as possible, kapag okay naman, go,” saad pa ni Kiray na idinagdag pang grabe raw humalik si Enchong.

Sa July 6 na ang showing ng I Love You To Death na tinatampukan din nina Janice de Belen, Trina Legaspi, Michelle Vito, Betong Sumaya, Devon Seron, Paolo Gumabao, at iba pa. Ito’y mula sa pamamahala ni Direk Miko Livelo.

ALAM MO NA! – Nonie V. Nicasio