HATAW! D'yaryo ng Bayan hatawtabloid.com
PATAY ang isang electrician makaraan mahulog na una ang ulo mula sa sinasakyang tricycle kahapon ng umaga sa Valenzuela City.
Hindi na umabot nang buhay sa Valenzuela City Medical Center ang biktimang si Rolando Alvarez, 57, residente ng 340 Area 3, Matimias St., Pinalagad, Brgy. Malinta ng nasabing lungsod.
Batay sa ulat ni PO1 Fridayrich Delas Nadas, dakong 5:20 am nang maganap ang insidente habang sakay ang biktima ng tricycle (UV-7867) na minamaneho ng isang Datul, na isa niyang kalugar.
Imbes sumakay sa loob ay sumampa ang biktima sa likuran ng driver at habang bumibiyahe sa San Francisco St., Brgy.
Karuhatan biglang nakarinig nang malakas na ungol si Datul.
Paglingon niya ay natuklasan niyang nahulog pala ang biktima. Isinugod ni Datul ang biktima sa nasabing pagamutan ngunit hindi na umabot nang buhay.
Nahaharap si Datul sa kasong reckless imprudence resulting in homicide.
( ROMMEL SALES )
