Sarah, iiwan na ang showbiz

PINABULAANAN ni Boss Vic Del Rosario sa presscon ng Miss Manila 2016 na maselan ang kalagayan ngayon ng Pop Princess na si Sarah Geronimo.

Matagal na raw na walang pahinga si Sarah kaya binigyan siya ng two months break—July at August. Pero ‘yung mga commercial niya ay ginagawa raw niya.

May inihahanda na rin daw pelikula para kay Sarah. May alok din daw angABS-CBN 2 bilang host sa bagong reality show pero pinag-aaralan pa ni Boss Vic ang offer sa alaga niya.

Naniniwala rin si Boss Vic na hindi pa handa si Sarah para mag-asawa. Ang plano raw ni Sarah ay posibleng mag-retire sa showbiz ‘pag nagpakasal na. Itututok daw niya ang oras niya sa bubuuing pamilya.

Pabor din siya ‘pag ganoon ang gagawin ng Pop Princess para tahimik na raw ang family life nito. Baka kumanta na lang sa mga special occasions si Sarah ‘pag nag-asawa na.

Samantala, kung si Mother Lily ay nagdadalawang isip na sumali sa Metro Manila Film Festival, ano naman ang plano ng Viva Films?

Hinihintay pa raw nila ang bagong rules ng uupong MMDA Chairman na mamumuno rin ng filmfest.Pero may inihahanda raw sila ng Star Cinema.

Ang malinaw lang ay walang entry sa MMFF si Vice Ganda. Sa October daw ang showing ng movie nito.

Tungkol naman sa Miss Manila 2016, ang Viva Live, Inc. ni Boss Vic ang co-producer. Nakatakda ang coronation night sa June 24 sa Philippine International Convention Center. Delayed telecast ito sa TV5 hosted byEdu Manzano at KC Concepcion.

Thirty-three candidates ang maglalaban at  kalahating milyong piso ang cash prize. Bibigyan ng kontrata ng Viva Films ang mananalo.

Ang official candidates ng Miss Manila ay sina Aya Frances Cruz, Cristelle Tolentino,  Ganiel Akrisha Krishnan, Tenth-ten Rhea Doringo, Paola Bianca Bagaforo, Angela Beatrice Cecilio, Mikaela Mendez, Mabel Verceles, Julyan Jazmine Leonida, Justiene Ortega,Mae Kimberly de Luna, Meiji Cruz, Roselyn Evardo, Sarah Margarette Josos, Janette Roanne Sturm, Hannah Bithjah Merino, Anne Krishia Antonio, Mercegrace Raquel, Mehwish de Castro, Chantal Roi Serafica,  Joanna Marie Rabe,Mary Rose Cajayon, Ruyeth Ann Mariano, Ruth Sabrina Linganay, Abegail Castor,Allana Coronel, Shenna Mae Zaldivar, Kristel Guelos, MarvelynTalha, Lhorden Joy Trimor, Mecelle Charice Silva, Feona May Alloso, at Ramona Yamat.

Ang beneficiary ng nasabing pageant ay ang MARE Foundation, a non-profit institution headed by Chairperson and Pageant Director, Ms. Jackie Ejercito.

TALBOG – Roldan Castro