FLATTERED ang young actor na si Martin Venegas na masabihan na may hawig kay Richard Gomez. Guwapo kasi si Richard, so ibig sabihin ay guwapo rin siya, ‘di ba? Na sa totoo lang naman ay talagang guwaping ang bagets.
Ayon kay Martin, hindi pa raw niya nakikita ng personal si Richard. Pero natutuwa talaga siya na naikukompara ang hitsura nila sa isa’t isa.
Samantala, pangarap pala ni Martin na maging housemate sa Pinoy Big Brother. Kaya kung may audition daw ulit para rito ay mag-a-audition siya, ‘Pag nasa loob na raw kasi siya ng bahay ni kuya ay ito na raw ang magiging daan para magtutuloy-tuloy na ang pagiging artista niya.
Magkakaroon kasi siya ng project sa ABS-CBN after niyang lumabas sa PBB house.
Well, kung sakaling mag-a-audition si Martin sa PBB sana ay palarin siyang makapasok.
( ROMMEL PLACENTE )
