SA We Will Survive ay tuluyan nang makatatakas si Maricel (Melai Cantiveros) mula sa pagpapahirap ng kanyang mapang-abusong employer at nalalapit nang makita ang anak niyang naiwan sa Pilipinas.
Matapos mapagtagumpayan ang pagtakas mula sa kanyang mga amo, isang Pinoy ang tutulong kay Maricel upang makauwi at muling makasama ang kanyang pamilya.
Ngunit nagbabadyang magbago ang kanyang pagkasabik ngayong unti-unti nang lumalambot ang puso ni Wilma (Pokwang) para kay Pocholo (Carlo Aquino) at pinayagan na itong makilala at makasama ang anak kay Maricel na si Jude (John Steven De Guzman).
Ano kaya ang mararamdaman ni Maricel kapag nalaman niyang napapalapit na si Jude sa kanyang ama? Ito kaya ang maging mitsa ng pagkasira ng pagkakaibigan nila ni Wilma?
Marami pang dapat abangan kaya tutukan ang teleseryeng nagpapakita na gaano man kapangit ang mundo, gaganda ang buhay basta’t magkasama tayo, ang We Will Survive tuwing gabi, bago mag-TV Patrol”sa ABS-CBN o sa ABS-CBN HD (SkyCable ch 167). Maaari ring panoorin ang past episodes ng palabas sa iWanTV.com o saskyondemand.com.ph para sa Sky subscribers.
UNCUT – Alex Brosas
