I-FLEX
ni Jun Nardo
MAG-ASAWA at may anak na sina Bea Binene at Wilbert Ross sa una nilang big screen team up na PH adaptation ng Thailand’s blockbuster Pee MaK.
Pero hindi pa rin mawawala ang kanilang kilig scenes na napanood sa series nilang Golden Scenery of Tomorrow at Love U Lots sa Viva One.
“May mga binago lang ako sa kanila para hindi mawala sa character,“ saad ni direk Victor Villanueva known for his work in Patay Na Si Hesus.
“I am very conscious na iba ang character nila. Gusto ko kasi cinematic sila, you know bigger than life. Utos ng management! Hahaha!” diin ni direk.
“’Yun ang challenge bilang isang director upang ihulma ang characters nila. Marami pa rin silang kilig moments. Bilangin na lang nila kapag showing na ang movie!” diin ni direk Victor na sa October 16 na mapapanood ang movie na kinabibilangan din nina Gian Bernardino, Jairus Aquinom, TJ Valderama, at VanDolph Quizon.
