MATABIL
ni John Fontanilla
GRABE ang transformation ng mahusay na komedyana na si Minnie Aguilar na from big size, ngayon ay small size na siya.
Hindi nga namin ito nakilala nang makasama namin sa Tong Yang Plus sa may Ayala Felize sa Pasig with birthday boy Roldan Castro, Toti Marie, at ang nag-imbita na si Toni Co, dahil pumayat ito, mas bumata, at bumagay sa kanya.
Kuwento ni Minnie, “Nagpapayat talaga ako para na rin sa health, dahil alam naman natin na hindi na tayo bumabata.
“Medyo mahirap, pero disiplina lang talaga sa sarili.”
At sa bagong looks nga ni Minnie ay mas maraming roles na ang puwede niyang gawin, puwede na siyang lumabas na mataray na donya, at marami pang iba at ‘di na lang siya nakakahon sa pagiging komedyana.
“Sana lang may mag-offer sa akin ng mga iba’t ibang role katulad ng kontrabida, bet na bet ko ‘yan.
“’Yun nga lang may mag i-inquire pero gusto nila ‘yung dating ako medyo malusog.
“Pero okey lang naman sa kin, if ‘di nila ako kunin, kasi mas priority ko na talaga ang health.
“Pero if may mag-o-offer sa akin ng project tatanggapin ko.”
At sa hitsura ngayon ni Minnie mas maraming roles na ang puwede niyang gampanan lalo’t isa ito sa maituturing na mahusay na aktres sa bansa.
