MA at PA
ni Rommel Placente
MAY boyfriend na at masaya. Ito raw ang nabasa ng Tarot reader sa cards ni Kathryn Bernardo.
Si Mayor Mark Alcala ang napapabalitang karelasyon ni Kathryn. Pero hanggang ngayon ay wala pa rin siyang pag-amin kung totoong sila na ng mayor.
Katwiran ng Tarot reader, ang dahilan daw kasi ay mas pinili ng aktres na magkaroon ng privacy pagdating sa kanyang lovelife.
Nang mabasa naman ng Tarot reader ang baraha ni Mayor Mark, sinabi niya na may girlfriend na ito. At gaya ni Kathryn, gusto rin daw nitong maging pribado ang lahat pagdating sa kanyang buhay. Kaya hindi ito umaamin kung sino ang nagmamay-ari ng kanyang puso.
So, kung ganyang sinasabi ng Tarot reader na parehong may karelasyon na sina Kathryn at Mayor Mark, hindi kaya sila ang tinutukoy nito na magdyowa?
Base rin kasi sa sinabi ng Tarot reader, gusto nilang parehong maging tahimik pagdating sa kani-kanilang relasyon.
