Ruby Ruiz, Pokwang tie bilang Best Actress sa Cinemalaya

MA at PA
ni Rommel Placente

TIE bilang Best Actress sina Pokwang at Ruby Ruiz sa katatapos na Cinemalaya Film Festival 2026 awards night na ginanap noong Lunes ng gabi, August 17, sa Grand Atrium ng Shangri-La Plaza sa Mandaluyong City.

Nanalo si Pokey para sa pelikulang 2 Valid IDs habang si Ruby naman ay para sa Status: Rejected.

Itinanghal namang Best Actor si Martin del Rosario para sa kanyang pagganap bilang bading sa Tayo Lang Ang Nakakaalam.

Nagwaging Best Supporting Actress si Bituin Escalante para sa A.Ni.Mal. habang nag-tie rin sa Best Supporting Actor category ang mga child actor na sina Lucas Andalio para sa Mag-iina at KD Omalin para sa Hand of God.

Naiuwi naman ng cast ng Tayo Lang Ang Nakakaalam nina Martin,Miguel Odron, Yayo Aguila, at Jeffrey Quizon ang Best Ensemble Performance award.

Hinakot naman ng pelikulang Mag-iina ang anim na Balanghai trophy kabilang na ang Best Feature-Length Film at Best Director para kay Giancarlo Abrahan.

Ang Mag-iina rin ang nakakuha ng Best Screenplay para kay Guelan Varela Luarca, at Best Musical Score.

Naiuwi naman ng Tayo Lang Ang Nakakaalam ang Best Cinematography, Best Production Design, at Best Sound.

Narito ang kompletong listahan ng mga nagwagi sa Cinemalaya 2026:

Best Feature-Length Film -Mag-iina (Giancarlo Abrahan)

Best Short Film-Silkscreen (Rey Anthony Villaverde)

Special Jury Prize (Feature-Length Film) -2 Valid IDs (Ma-an Asuncion Dagñalan)

Special Jury Prize (Short Film) -Para-Paraan (Mae Chan Li)

Best Director (Feature-Length Film) -Giancarlo Abrahan (Mag-iina)

Best Director (Short Film) -Gabriela Serrano (Elenita Elaine Elena)

Best Actress- Pokwang (2 Valid IDs) at Ruby Ruiz (Status: Rejected)

Best Actor-Martin del Rosario (Tayo Lang Ang Nakakaalam)

Best Ensemble Performance -Tayo Lang Ang Nakakaalam