Bea at Wilbert maraming natutunan nang gawin Golden Scenery Of Tomorrow
MATABIL
ni John Fontanilla
MAY mga natutunan sina Wilbert Ross at Bea Binene nang gawin nila at pagbidahang ang hit University Series na napanood sa Viva One, ang Golden Scenery of Tomorrow.
Tsika ni Wilbert, “Ang natutunan ko po sa life ‘yung pagpapahalaga ng friendship.
“Kasi sa GSOT (Goldem Scenery Of Tomorrow) po kasi roon ko nakita ‘yung life with your barkada.
“’Yung mga lesson sa ‘GSOT’ mismo is about work, about showbiz.”
Ayon naman kay Bea, “Natutunan ko to be supportive, kasi si Via (Avianna Rye “Via” Diazz) ginagampanang role ni Bea sa ‘Golden scenery of Tomorrow’- is very supportive to everyone around here, with there friends and life ganoon po.”
Naglabas din ng kanilang nararamdaman sina Bea at Wilbert sa nalalapit na pagtatapos ng yugto ng University Series.
Ani Bea, “Siguro po ano, lahat naman ng project may ending and were very blessed that we are able to play our roles for 3 or 4 years.
“Every six months may trabaho kami, every six months nabibigyang buhay namin ‘yung istorya, ‘yung libro na minahal ng fans.
“And you know there’s always the end, there’s always the last time.
“Siguro… yes maybe this is the last time , pero depende po kay Dwight kung gagawa pa siya ng mga istorya na makakapag-play pa rin kami ng mga role namin ngayon.
“But the least that we can do is make the most out of it, the least we can do is namnamin namin, kumbaga save the best for last.
“Namnamin namin ‘yung bawat eksena, namnamin namin ‘yung bawat pagkakataon na mai-play namin uli ‘yung mga karakter namin for the last time or not, pero there’s no regret.”
Dagdag naman ni Wilbert, “It’s like kasisimula pa lang ng lahat ng ito, hindi pa siya ganoon nagsi-sink in talaga, ang layo na sa batch one since book one.
“Isipin mo magpi-play ka ng character ng ganoon katagal. Finally ngayon, parang noong pumasok ako sa book three parang feel ko grabe ang tagal naman nito ang dami pang book.
“Pero ngayong nasa last book na parang ambilis lang pala.”
Kasama sina Bea at Wilbert sa Our Yesterday’s Escape na this time ay pagbibidahan nina Jairus Aquino at Nicole Omillo with Marco Gallo, Heaven Peralejo, Gab Lagman, Hyacinth Callado, Francis Magundayao, Aubrey Caraan, Lance Carr, Krissha Viaje, at Jerome Ponce sa direksiyon ni Gino M. Santos at mapanood sa September 5, sa VivaOne.
