Pinay Int’l singer Jos Garcia maglalabas ng Japanese album ngayong taon

MATABIL
ni John Fontanilla

MATAPOS magwagi sa 17th PMPC Star Awards for Music bilang Collaboration of the Year para sa awitin nila ni Nolo Lopez na Hanggang Dulo, mas na-inspire ngayon na mag-record pa ng iba pang awitin ang Pinay International singer na si Jos Garcia.

Bukod sa mga Tagalog song na ire-record at collaboration with iconic group na Orange And Lemonsay nakatakda itong mag-record ng mga Japanese song para sa kanyang Japanese album na ilalabas bago matapos ang taon.

At kahit nga full load ang schedules nito sa dami ng kanyang gigs sa mga five star hotel sa Japan ay binibigyan pa rin niya ng oras ang paggawa at pag-record ng kanta.

Any days from now ay babalik muli ng Pilipinas si Jos para naman gawin ang collaboration niya with Orange and Lemons. Inaayos lang ang schedule nito ayon na rin sa kanyang napakasipag na manager, si Atty. Patrick Famillaran.