Jerald Napoles tatanda at mamamatay na umaarte
MATABIL
ni John Fontanilla
MASAYA ang isa sa bidang actor ng Ang Pinakamasarap Na Pares Sa Balat Ng Lupa na si Jerald Napoles, dahil nagkakaroon siya ng pagkakataong makatrabaho ang mga taong mahal niya sa buhay. Mula sa kanyang mahal na asawa hangang sa malalapit niyang kaibigan.
Ayon nga kay Jerald, “I think konektado siya at the early age of my career in acting which includes theater acting, I’ve been telling myself I’m in love with this work.
“So para sa passion ko na ito, lagi ko nga sinasabi na tatanda ako….parang lagi ko ngang naaalala ‘yung sinasabi ni, sumalangit nawa, si Tito Eddie Garcia na tatanda ako at mamamatay na umaarte.
“So nakikita ko ‘yung sarili ko rati noong theater actor pa lang ako, ‘di ko naman alam na magiging artista ako. Nakita ko ‘yung sarili ko umaarte sa entablado hanggang sa tumanda na, parang ganoon eh.”
Dagdag pa nito, “I think that passion is connected in my personal being, ‘yun ‘yung nagka-sa qualm sa thesis o whatever law of attraction na makasama ko ‘yung mahal ko.
“Passionate ako sa asawa ko, sa mga kaibigan ko, sa mga tropa ko.
“’Yan sila TJ (Valderama) totoo ‘yung aming pagkakaibigan….s i TJ ‘di pa naman ako si Jerald Napoles ngayon na isinusulat niyo sa article kilala ko na si TJ.
” Parang ganyan ‘yung relasyon ko sa kanila. I think ‘yun ‘yung ibinigay sa akin ni Lord, ‘yung blessing, na ‘ah sige dahil mahal mo yung trabaho mo, makikipagtrabaho ka rin sa mga mahal mo sa buhay.’”
Makakasama ni Jerald sa Ang Pinakamasarap Na Pares Sa Balat Ng Lupa si Pepe Herrera with Christine Bermas, Yan Yan De Jesus, Gene Padilla, TJ Valderama, Kedebon Colim, Jobelyn Manuel sa direksiyon ni Raynier F. Brizuela. Mapapanood simula Aug. 26, sa mga sinehan nationwide hatid ng Viva Films.
