Award-winning Chinese movie na “Dear You” mapapanood na sa mga sinehan sa August 12
ALAM MO NA!
ni Nonie Nicasio
PINANGUNAHAN ni Federation of Filipino-Chinese Chambers of Commerce and Industry, Inc. (FFCCCII) President Victor Lim, kasama sina Eduardo Cobankiat, Gino Chen, Anvil Business Club president William Lim Jr., at Wilson Lee Flores ang media conference ng award-winning Chinese movie na “Dear You” last July 24 sa Kamuning Bakery. Ito’y sa pakikipagtulungan ng Anvil Business Club.
Si Cobankiat ang FFCCCII Public Information Committee Co-Chairman, Asst. Sec. Gen. naman si Chen, at Public Information Committee Chairman dito si Mr. Flores.
Makikita sa pelikula ang isang lalaking baon sa utang, na ginampanan ni Zheng Runqi, na naglakbay mula Tsina patungong Bangkok upang hanapin ang kanyang matagal nang nawawalang lolo.
Sa pamamagitan ng lumang ‘qiaopi’ o remittance letters na minsang ginamit ng mga migranteng Tsino upang makipag-ugnayan sa kanilang mga pamilya, natuklasan niya ang lihim na katotohanan tungkol sa kanyang lolo na itinuturing na mayaman. Dito’y nalaman niya ang mga paghihirap, sakripisyo, at dedikasyon ng mga naunang henerasyon ng mga Tsino sa ibang bansa.
Base sa ulat, ang director nitong si Lan Hongchun ay gumugol ng tatlong taon para lang sa pagsasaliksik ng pelikulang ito. Na kinapanayam niya ang halos 300 overseas Chinese families across Southeast Asia, the Americas, at sa Europe.
Ayon kay kay Mr. Victor, makare-relate ang mga Filipino sa kuwentong ito dahil marami tayong mga manggagawang Filipino sa ibayong-dagat o overseas Filipino workers (OFWs) na nagpapasigla sa ekonomiya ng bansa sa pamamagitan ng mga dolyar na ipinapadala nila sa kanilang mga mahal sa buhay.
Aniya, “We believe its message will resonate deeply with Filipinos. As a nation with millions of overseas Filipino workers serving in many parts of the world, we understand the sacrifices, separation, and emotional journey of families striving to build better lives for their loved ones.
“The movie is primarily in the Teochew language, which shares many similarities with the Hokkien language spoken by many members of the Filipino Chinese community, and it is accompanied by English subtitles.”
Pagpapatuloy pa ni Mr. Victor, “The FFCCCII is proud to support this outstanding film by sponsoring two advance screenings: August 5, 2026 (Wednesday), 7:00 p.m. at SM Mall of Asia IMAX, and August 8, 2026 (Saturday), 6:30 p.m. at SM North EDSA Cinema 3, in cooperation with the Anvil Business Club, one of the more than 170 Filipino Chinese chambers of commerce and business organizations that comprise our Federation, with members from Aparri to Tawi-Tawi.
“Maraming salamat po sa inyong pakikiisa at suporta. Nawa’y patuloy nating gamitin ang sining, kultura, at pagkakaibigan bilang mga tulay tungo sa higit na pagkakaunawaan, pagkakaisa, at kaunlaran. Mabuhay po kayong lahat!”
Sinabi naman ni Mr. William kung bakit nila napiling dalhin sa bansa ang pelikulang ito.
Pahayag niya, “From our perspective as a young Filipino-Chinese businessmen, we heard of these stories before from our grandparents, who are the actual ones who migrated from China. So, I think this movie is very relevant to us because it tells us the story in a very cinematic and poignant way. Instead of stories being passed down to us, we can see it visually.”
Ang Dear You ay naging viral sa Chinese social media at nanalo ng Best Asian Art Film Award sa Asian Art Film Festival 2026.
Ang pelikula ay nakakuha rin ng magandang resulta sa box office sa Hong Kong, Singapore, at Malaysia.
Ang Dear You ay mapapanood sa Philippine cinemas simula sa August 12. Magkakaroon din ito ng advanced screenings sa August 5 and 8 sa dalawang IMAX theaters sa Metro Manila.
