MATABIL
ni John Fontanilla
MATAPOS ang pagpapakasal nina Bea Alonzo at Vincent Co, usap usapan naman ngayon sa X at sa iba pang social media ang bali-balitang engaged na rin ang matagal na ring magkarelasyong sina Nadine Lustre at Christophe Bariou.
Ang dalawa na raw ang susunod na ikakasal na labis-labis na ikinatuwa ng mga tagahanga nila.
At kahit wala pa ngang sinasabi sina Nadine at Christophe ay nag-iisip na ang fans nila na magpapakasal na kung ibabase sa latest interview ng mga ito na pinag-uusapan na ang pagkakaroon ng anak.
Ilan nga sa naging tanong ng fans ni Nadine ang mga sumusunod:
“So did he finally put a ring on it?
“Deserve naman ni Chris maging Mr. Nadine Lustre. He also brings out the best in her. Congrats to them!”
“Excited to see Nadine in person para makita ang ring!”
“Sooo happy for Nadine! They deserve each other.”
At kahit nga wala pang pag-amin ang dalawa kung may balak na ba silang magpakasal na ay umaasa pa rin ang mga loyal supporter ni Nadine na sa simbahan din hahantong ang relasyon nila ni Christophe.
