Gerald ipinagmalaki pagsasama nila ni Alden sa pelikula
MATABIL
ni John Fontanilla
MASAYANG-MASAYANG ibinahagi ni Gerald Santos sa kanyang Facebook ang larawan na kasama niya si Alden Richards sa shooting ng pelikulang pinagbibidahan niya, ang Liwanag at Dilim: Heneral Emilio Jacinto.
Ginagampanan ni Alden ang role ni Gat Jose Rizal at si Gerald si Hen. Emilio sa pelikula.
Minsan na ring ginampanan ni Alden ang role na Jose Rizal sa 2014 historical series na Ilustrado, na hinangaan sa mahusay niyang pagganap.
Post ni Gerald sa kanyang FB, “So happy to announce that Alden Richards is part of my movie LIWANAG AT DILIM:(Heneral Emilio Jacinto) as Dr.Jose Rizal! Thank you bro for being part of this monumental film!”
Bukod kay Alden makakasama rin ni Gerald sina Alexa Miro, Sid Lucero, Angel Aquino, Ima Castro, Aicelle Santos Nikko Natividad, Alex Medina, Aljur Abrenica at marami pang iba.
Mula ito sa panulat at direksiyon ni Antonino Rommel Ramilo.
