Wilbert at Bea nakaramdam ng pressure sa new project
MATABIL
ni John Fontanilla
MATAGUMPAY ang unang pagbibida ng tambalang WilBea o nina Wilbert Ross at Bea Binene sa Viva One series na Golden Scenery of Tomorrow kaya may pressure sa kanila ang muling pagbibida sa isang original series na Love U Lots.
Kuwento ni Wilbert sa bongga at napaka-successful mediacon ng Love U Lots na dinumog ng kanilang mga tagahanga, “Siyempre po may preassure, kasi ‘yung LUL (Love U Lots) original. Ang GSOT (Golden Scenery Of Tomorrow) kasi may mga reader na, may fans na nag-aabang.
“Ito, this is something new na io-offer namin, and not really sure na magugustuhan nila or nasa taste ng mga tao kung magugustuhan nila ‘yung LUL, kaya may pressure, ‘di siya nawawala.”
Ayon naman kay Bea, “Ako tito every project talagang may pressure po talaga, may kaba.
“Kasi siyempre kada proyekto naman iba po siya talaga, different story, different project, different characters ganyan.
“I think more on, bukod po sa kaba, ‘yung excitement nandoon din kasi siyempre nakikita ko ‘yung support online at ‘yung mga sinasabi ng fans and they are really very excited for it.
” And mas excited akong mapanood nila, kasi it’s a very colorful world, ‘yung mundo nina Ysa at Estong, very colorful, very eventful.
“So I’m really excited po na mapanood.”
Makakasama nina Bea at Wilbert sa Love U Lots sina Xia Vigor, Vito Quizon, Katya Santos, Janno Gibbs, DJ Durano, Candy Pangilinan, at Migo Valid, sa direksiyon ni Victor Villanueva
at mapanood sa July 24, 2026 sa Viva One na may fresh episode tuwing Friday.
