HATAW! D'yaryo ng Bayan hatawtabloid.com
ALAM MO NA!
ni Nonie Nicasio
PARARANGALAN ang mga natatanging personalidad mula sa entertainment, public service, business, media, education, tourism, at philanthropy sa 10th World Class Excellence Japan Awards (WCEJA) na gaganapin sa June 18, 2026 sa Heritage Hotel Manila.
Sa pagdiriwang ng ika-10 anibersaryo nito, patuloy na kinikilala ng WCEJA ang mga indibiduwal at organisasyong may malaking ambag sa lipunan at nagsisilbing inspirasyon sa kani-kanilang larangan. Ang awards program ay itinatag ng international singer, philanthropist, at Voice of an Angel Foundation (VOAA) founder na si Emma Cordero, na kilala rin bilang Asia’s Princess of Songs.
Pangungunahan ang mga pararangalan ngayong taon ng yumaong National Artist at Superstar na si Nora Aunor, tatanggap ng Posthumous World-Class Icon of Philippine Cinema and Performing Arts Award 2026, at ang yumaong Pilita Corrales, na pararangalan ng Posthumous World-Class Queen of Songs Lifetime Achievement Award 2026. Tatanggapin ni Ian de Leon ang parangal para sa kanyang ina.
Kabilang sa awardees mula sa public service sina Ben “Bitag” Tulfo, PAO Chief Persida Acosta, Bulacan Governor Daniel Fernando, Florentino Macawile, at Sam Verzosa. Kikilalanin din sina Atty. Ferdinand Topacio, Dr. Milagros Olivarez Borabien, Rogelio F. Cruz Jr., Rhodora Yoshitake, PDG Leonida Bayani Ortiz, at Mark Paul Sepe para sa kanilang natatanging kontribusyon sa kani-kanilang larangan.
Sa media category, kabilang sa mga pararangalan sina Fernando de Guzman, Juvy de Guzman, Joey Capisonda, Noel S. Asinas, Obette Serrano, Rafael S. Chico, Rodel Ocampo Fernando, Vivian R. Yjares, at Victoria C. Cancio. Tatanggapin naman ng PTV Channel 4 ang Outstanding TV Network of the Year 2026, habang kikilalanin ang Rise and Shine Pilipinas bilang Outstanding Morning Show of the Year 2026. Pararangalan din si Zara Lopez bilang Popular Female Vlogger of the Year.
Sa entertainment category, kikilalanin sina Angel Aquino, Ara Mina, Katrina Halili, Maui Taylor, Mon Confiado, Rio Locsin, at Sid Lucero para sa kanilang mahuhusay na pagganap sa telebisyon at pelikula. Pararangalan din ang filmmakers na sina Mike Miguel Magat, na tatanggap ng Best International Director–Japan 2026 para sa pelikulang Seven Days, at Romm Burlat, na kikilalaning Asia’s Best Director 2026.
Sa musika at performing arts, kabilang sa mga awardees sina Darius Razon, Gloria Kelley, Benz Llavore, Joe Trapani, Aileen Grace Papin, Jam Leviste, Jocelyn “Meg” Ganzon, Garry Cruz, Liam Pangilinan, Shane Anas, Borj Papin, Kirk Galendez, at Zac P. Carrion.
Kikilalanin din ang mga beauty queens at cultural ambassadors na sina PCSO Director Imelda Papin, Catherine Yogi, Alicia Davac Paelmo, Maffi Papin Carrion, Charles Belinario, Hanayagi Hakukoma, Mary Flor Macawile, at Yolanda Suematsu.
Ayon kay Cordero, ang ika-10 anibersaryo ng WCEJA ay pagpupugay sa mga taong patuloy na nagbibigay-inspirasyon sa pamamagitan ng kanilang tagumpay, pamumuno, at malasakit sa kapwa.
“Sa aming ika-10 taon, hindi lamang tagumpay ang aming ipinagdiriwang kundi pati ang dedikasyon, sakripisyo, at passion sa likod ng bawat achievement. Patuloy naming kikilalanin ang mga taong gumagawa ng positibong pagbabago at nagsisilbing inspirasyon sa susunod na henerasyon,” aniya.
Ang Voice of an Angel Foundation ang beneficiary ng WCEJA at patuloy itong nagbibigay ng educational assistance at scholarship opportunities sa mga deserving students. Layunin ng World Class Excellence Japan Awards na ipagpatuloy ang pagsusulong ng serbisyo, liderato, at nation-building hindi lamang sa Filipinas at Japan, kundi maging sa pandaigdigang komunidad.
