HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SiYasmin Alba ay newbie sa larangan ng showbiz. Unang mabibistahan ang kanyang talento at taglay na alindog sa show ni Angeli Khang sa Viva Café sa June 24.
Alaga ni Jojo Veloso si Yasmin, siya’y 22 years old from Mabalacat, Pampanga at pangarap aniya na talagang maging artista noon pa.
Sasabak din ba siya sa sexy movies? “Yes po, gagawa rin ako ng movie, coming soon po, abangan na lang po ninyo.”
Aniya pa, “Yes po, since bata pa lang po ay pangarap ko nang maging artista, pero hindi ko po alam kung paano. Then, habang nagkaka-age po ako, puro post ako sa social media na mga pa-sexy, naka-bikini at lingerie, ganoon po. Kaya naisip kong, why not pasukin ko ang pagpapa-sexy sa Vivamax?”
Ano ang dapat asahan sa kanilang show?
“Live show po naming performance na lima, here po sa Viva Café. Mga sexy po ang costume namin dito, basta pasabog po, may kanta at sayaw. I can sing and dance lang po, pero not totally as a performer… actually it’s my first time performing on stage po.”
Kinakabahan ba siya? “May kaunting pressure lang po, pero kayang-kaya ko po ito,” nakangiting sambit pa niya.
Ayon kay Yasmin, bago siya nag-showbiz ay isa siyang content creator.
Kuwento niya, “Content creator po ako ng mga videos sa Instagram and Facebook, but unfortunately ‘yung Facebook ko po ay na-disable. Siguro po dahil sa mga content at sa music.” (30)
