Jenn Rosa itinodo ang pagbabalik 

SHOWBIZ KONEK
ni Maricris Valdez

MATAGAL-TAGAL ding nawala sa limelight ang VMX hottie na si Jenn Rosa. At ngayong nagbabalik, talaga namang pasabog at tiyak pag-uusapan sa kanyang mapanuksong role sa Helena, isang pelikula na pinaghalo ang alamat, buhay komunidad, at pagnanasa ng laman na mapapanood sa VMX.

Gumaganap si Jenn sa Helena bilang isang manggagamot o hilot sa isang komunidad sa kanayunan, isang taong madalas na nakikita bilang isang albularyo na may kaalaman sa mga alalahanin at karamdaman ng kanyang kababayan.  

“This is a must-watch, kasi for the very first time ay may full frontal nudity ako rito,” paanyaya ni Jenn sa media conference kamakailan sa Viva Cafe.

Sinabi pa ni Jenn na, “Alam ko marami ang nakaka-miss so, ibinigay ko ang lahat dito. As in itinodo ko na,” nangingiting turan pa ng dalaga na aniya’y single pa rin siya hanggang ngayon.

Para kay Jenn, ang proyekto ay minarkahan din ang isang inaabangang pagbabalik para sa kanyang mga tagahanga, kasama ang isang mas matapang na pagganap kaysa dati.  

Samantala, natanong si Jenn ukol sa mga alalahanin sa kaligtasan sa set. Ito’y kasunod nang sinabi noon ng kapwa niya Vivamax artist na si Angeli Khang na nakaranas ng pananamantala habang gumagawa ng intimate.

 Ani Jenn hindi siya naka-experience na may nag-take advantage sa kanya sa mga aktor na nakatrabaho. Kaya naman hindi siya nag-alangan na hindi mag-plaster sa isang tagpo sa pelikula. 

“Ako ‘yung nagdesisyon para mas mapaganda at mapadali ‘yung movie,” giit ng sexy actress.

“Dahil nga ‘yung mga katrabaho ko ay professionals naman and may guidance naman ni direk… So alam naman namin na safe kami,” paniniyak pa ng sexy star.

Iginiit din ni Jenn na pinag-usapan nila ang mga pwede nilang gawin sa pelikula lalo iyong maseselang tagpo.  

Ganito rin ang sinabi ng kasama niyang bida na si Lea Bernabe na pawang mga propesyonal ang mga  nakakatrabaho lalo sa mga maseselang eksena.

“Sa lahat ng naka-love scene ko, wala pa naman po akong nararanasang na-take advantage ako. Lahat sila professional,” giit ni Bernabe.

Tiniyak naman ni Van Allen Ong, leading man sa pelikula na ligtas at pinoproteksiyonan niya ang mga nakakasama o nakakatrabaho.  

Ani Ong, inaalam niya ang mga limitasyon sa kanyang mga co-actor bago gumiling ang kamera lalo sa mga intimate scene na gagawin nila.

“First off, when I was starting pa lang, I always ask ‘yung limitations ng mga co-actress ko. Kunwari, bawal ‘yun, ito. So, talagang iniiwasan ko gawin iyong ayaw nila,” paliwanag ni Van Allen.

Dagdag pa ni Van Allen, umaasa siya sa patnubay ng direktor at iniiwasan niyang lumampas sa kailangan sa eksena.

“Ginagawa ko rin lang kung ano iyong ini-instruct lang ni direk, para hindi rin ako lumagpas sa limitations na pwede kong gawin or baka makabastos na. I don’t want them to feel uncomfortable,” sabi pa ng aktor.

Isa si Jenn sa may malakas na hatak at maraming fans simula nang pumasok sa VMX dahil na rin sa matapang na presensya sa screen at versatility sa pagpapakita ng mga sensual at dramatic na tungkulin.

Kaya naman hindi mabibitin ang marami sa naghihintay kay Jenn idagdag a si Lea na isa ring palaban sa pelikulang handog nila, ang  Helena na idinirehe ni Omar Deroca.

Kasama rin sa pelikula si Aya Fortes na mapapanood na simula July 3 sa VMX.

Isa pang handog na dapat abangan ay ang Latina na mapapanood simula June 19 na pinagbibidahan ni Athena Red.

Gagampanan ni Athena ang isang misteryosang babae, si Katarina na ang pagdating ay nakagambala sa buhay ng tatlong nilalang na naniniwalang dalubhasa na sa kanilang mga pagnanasa.

Kasama rito ni Athena ang bagong VMX crush na si Shalanie De Vera gayundin sina Chester Garcia at Mhack Morales.

Ang kuwento ay ukol sa isang grupo na nakatali sa isang hindi kinaugalian na kaayusan na binuo sa kalayaan, pagsasarili, at kawalan ng emosyonal na mga inaasahan. Nagsisimulang magbago ang kanilang marupok na balanse nang pumasok si Katarina sa kanilang mundo, na nag-trigger ng isang hanay ng mga matalik na pagtatagpo na unti-unting umuusbong sa isang web ng mga lihim, nagbabagong pananaw, at emosyonal na kawalan ng katiyakan.

Habang nagsisimulang lumabo ang pagnanais at kontrol, ang bawat karakter ay napipilitang harapin ang mahihirap na tanong tungkol sa katotohanan, kapangyarihan, at kung sinuman sa kanilang kaayusan ang tunay na nakontrol.

Idinirehe ni King Abalos, pinagsama ng Latina ang sensual na pagkukuwento sa sikolohikal na intriga, na naghahatid ng natatanging karanasan sa VMX.