Jos Garcia and Nolo Lopez nominado sa 17th Star Awards for Music

MATABIL
ni John Fontanilla

NAGPAPASALAMAT ang Pinay international singer na nakabase na sa Japan na si Jos Garcia sa nominasyong nakuha nila ni Nolo Lopez sa 17th Star Awards for Music.

Nominado sina Jos at Nolo bilang Collaboration of the Year sa awiting Hanggang Dulo ng Stardom Music Production.

Makakalaban nila sina Kyle Echarri x Illest Morena para sa Believe; SB19 x Gloc 9 para sa Kalakal; Flow G x Chito Miranda para sa Kasama; Jet x Jay R para sa Ligaw; 

TJ Monterde x KZ Tandingan para sa Palagi; at Angela Ken x Maki x Nhiko para sa  

 Sikulo.

Ayon kay Jos, “Isang malaking karangalan para sa amin ni Nolo na mahanay sa mahuhusay na mang-aawit sa bansa na nominado rin sa kategoryang Collaboration of the Year.

“Salamat sa pamunuan ng PMPC sa nominasyong ibinigay ninyo sa amin ni Nolo.”

Win or loose ay okay lang kay Jos. Ang manominate sa Star Awards ay malaking achievement na sa kanila ni Nolo.

After Nolo ay ang collaboration naman nito with Orange and Lemons ang aabangan ngayong taon.