HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
“NO, no, that’s not true. We’re friends, we’re friends,” paglilinaw ni Claudine Barretto sa napabalitang nagkabalikan na sila ng kapatid ni Korina Sanchez na si Milano Sanchez nang makausap namin ito pagkatapos ng Grand Family Day and mediacon ng pelikulang Home Along Da Riles Da Reunion sa Makabagong San Juan National Government Center noong Monday.
Sinabi pa ng Optimum Star na tila whirlwind ang nangyari sa kanila dahil tumagal lang ang kanilang resyon ng isang buwan.
“Alam mo, in all fairness naman sa kanya, I don’t think that’s counted, ‘yung one month.
“I mean, it was really a whirlwind relationship. It was a whirlwind friendship talaga, siguro. And I think we’re really talagang… No, I know, I believe that we’re really hitting it off as friends talaga.”
Paliwanag pa ng aktres tila hindi pa talaga tamang panahon para muli siyang magmahal. “Hindi pa ‘yun ‘yung tamang panahon pala talaga, siguro. And it’s not… Ang layo ng mundo niya sa mundo ko.
“Mahirap, mahirap talaga. You have to be prepared talaga kapag papasok ‘yung isang relationship. And siguro, ako rin, ang takeaway ko riyan, when you’re vulnerable, don’t fall in love.”
Nang matanong si Claudine kung pwede na ba siyang muling pumasok sa isang relasyon. Sinabi nitong, “Yes, I’m open naman to entertaining suitors. Pero siguro, talaga kung darating, darating. Kung hindi, ayoko nang pilitin.”
Iginiit pa ni Claudine na wala sa love life ang focus niya ngayon.
“Ang focus ko talaga is ‘yung mga ginagawa ko like this movie, and ‘yung mga project na gagawin ko pa.”
Ukol naman sa muling pagpapakasal, sinabi nitong hindi pa pwede dahil hindi pa siya annulled kay Raymart Santiago na ikinasal siya noong May 2004. Naghiwalay naman sila noong May 2013.
Samantala, naging emosyonal naman si Claudine sa mediacon ng Home Along Da Riles Da Renion dahil napaka-espesyal talaga para sa kanya ng sitcom. Isa si Claudine sa mainstays with the late Comedy King Dolphy.
Aniya, ibang klase ang kanilang naging samahan ng buong cast na kahit nawala na ito sa ere at nawala na rin si Mang Dolphy ay patuloy pa rin ang kanilang communication.
Dagdag pa ni Claudine, hindi lang katrabaho kundi kapamilya na ang turing niya sa mga co-star sa hit sitcom kaya naman naging madali para sa kanya ang mapapayag sa reunion movie.
Naging kaagapay din niya ang mga ito sa mga pinagdaraanan niya sa buhay. Aniya, “I wouldn’t be able to be where I am right now or to have gone through everything na pinagdaanan ko kung wala ‘yung pamilya ko.
Proud din si Claudine para kay Boy2 na siyang nagdirehe ng pelikula.
Mapapanood na sa June 17 ang Home Along Da Riles Da Reunion na kasama rin dito ang mga original cast na sina Nova Villa, Smokey Manaloto, Vandolph, Sherilyn Reyes, Maybelyn dela Cruz, Smokey Manaloto, Sherilyn Tan, Cita Astals, Dang Cruz, Sunog Baga Boys at marami pang iba.
