Andre gusto nang bumukod kay Aiko

MA at PA
ni Rommel Placente

DUMATING pala sa puntong nagtampo kay Aiko Melendez ang anak niyang si Andre Yllana.

Paano kasi, nawalan siya ng oras dito at sa kapatid na si Marthena dahil sa sobrang busy niya sa trabaho.

Kwento ni Andre, “Nagkaroon kasi dati ng time na sIyempre busy si mommy. Wala siyang time sa amin.

“Dati hindi ko maintindihan ‘yun na parang, ‘bakit ganoon, hindi makapag-spend ng time si mommy sa amin?’

“So na-realize ko noong lumalaki ako, na kaya pala hindi siya makapag-spend ng time sa amin, kasi nagtatrabaho siya.

“Kailangan niyang maglagay ng pagkain sa plato.

“Noong lumalaki ako na-realize ko na para rin sa amin pala. Kaya nawala na ‘yung tampo ko,” anang binata.

Ngayong nag-aartista na rin si Andre, gusto niya nang bumukod.

“Gusto ko  sanang magkaroon ng sarili kong place. Gusto ko nang umalis kay mommy. Hindi joke lang,” natatawang sabi pa ni Andre.