Ogie nag-react tanggalan ng host sa It’s Showtime

I-FLEX
ni Jun Nardo

SUMAKTO sa weekend ng selebrasyon ng Father’s Day ang dates na nakuha ng team ni Ogie Alcasid sa The Proscenium Theater sa Rockwell.

Kaya nabuo ang concert ni Ogie na Daddyokie sa June 19 and 20.

“’Yung mga song na kinakanta naming mga daddy sa karaoke. Daddy’s songs.

“It’s a day for all the daddys at the same time to relax. We deserve this day,” sabi ni Ogie.

Ang pagiging daddy din ang role ni Ogie sa It’s Showtime habang si Amy Perez naman ang mommy dahil silang dalawa ang pinaka-senior sa grupo.

Nang tanungin namin kung totoo ang intrigang magbabawas ng hosts ang noontime show, wala raw siyang alam.

Eh ‘yung tsismis na humihingi si Vice Ganda sa GMA ng bagong show na solo niya, ang reaksiyon niya?

“‘Di ba, mayroon na siyang ‘Everybody Sing?’ Ah sa ibang channel.

“Wala akong alam tungkol doon. Kung mayroon man, deserve naman ni Vice“ saaad ni Ogie.

Ang ticket prices sa Daddyokie na available sa Ticketworld outlets ay Ochestra Premium – P7,725; Ochestra Center A –P6,695; Ochestra Center B – P5,665; Orchestra Side – P5,665; Ochestra Dress Circle – P3,600.