Rei Tan at Jennylyn may payo sa mga ina

MATABIL
ni John Fontanilla

NAGBIGAY ng tips kapwa sina Reverie ambassador Jennylyn Mercado at Beautederm CEO/President Ms Rei Anicoche- Tan sa mga tulad nilang ina.   

Ayon kay Ms Rei, “Kaya namang balansehin talaga, pero ako po kasi talaga, mga bata muna. Especially lagi ko ngang sinasabi kay Jen, ‘Si Dylan, maliit pa, i-enjoy niya. 

“Kasi ang bilis talagang lumaki ng mga bata ngayon. Ngayon, may sariling mundo na rin iyong mga anak ko.

“Kaya lagi kong sinasabi, iyong pera, nahahanap iyan, eh. Pero ‘yung time natin na kasama ang mga anak natin, i-enjoy natin iyon. 

“Kasi nga napakabilis ng panahon. Imagine-in mo, parang laro-laro ko lang itong Beautederm, pero sa August ay 17 years na.

“So, ngayon ay malapit na ring magtapos (ng pag-aaral) ang aking anak at kasama ko na siya sa negosyo. Actually, silang dalawa.” 

Ayon naman kay Jennylyn, “I agree ate sa mga sinabi mo, ang bilis ng panahon, napakabilis lumaki ng mga bata, maganda talaga na nae-enjoy muna nila ang mga bata habang maliit pa sila.

“Pero siyempre, aminin natin na mahirap ang buhay. So, kailangan nating bumalik talaga sa trabaho, kailangan nating bumalik sa mga career natin.”

Dagdag pa nito, “Wala namang problemang bumalik sa career, basta ang importante ay hindi mo napapabayaan ang pamilya mo.

“Madali namang balikan ang career anytime, kung gugustuhin mo, depende na iyon sa kung paano mo babalansehin ang oras mo, at hahatiin ang oras mo para sa mga anak mo, para sa trabaho mo.”

Bilib si Jennylyn kay Ms Rei na kayang pagsabayin ang pagiging matagumpay na businesswoman, CEO and president ng kanyang negosyo at nanay at the same time.

Thankful din ito kay Ms Rei dahil sa  pagiging  mabait at super generoussa kanya, sa kanyang asawa (Dennis Trillo), sa kanyang mga ambassador, at tauhan sa BeauTederm at sa ating mga kababayan na nangangailangan ng tulong.

Ang  Reverie Air & Fabric Freshener by home product ng BeauTederm. May anim na variant ito tulad ng Cafe Aroma (coffee), First Ambience (green tea), Pure Serenity (warm vanilla), First Nostalgia (grapefruit citrus), Lily Lush (matcha), at Cloud Whisper (cherimoya).