HATAW! D'yaryo ng Bayan hatawtabloid.com
MATABIL
ni John Fontanilla
PROMISING ang baguhang 16 years old teen actress na si Judy Rose Montilla, na bukod sa maganda ay loaded with talents, from singing, dancing, acting and modelling.
Ang maging artista ang pangarap ni Judy Rose simula noong bata pa siya na ngayon ay kanyang isinasakatuparan.
“I want to be an actress po kasi dream ko po siya.
“Before po nanonood ako sa tv and na-inspire ako sa mahuhusay na artista na napapanood ko. Kaya sabi ko sa sarili ko na balang araw magiging artista rin ako.
“Also isa rin po sa goal ko is mapabuti ko po ‘yung future ko para sa sarili ko at para sa mama ko. Hindi po siya for fame and for money only, gusto ko po maka-inspire rin ng ibang kabataan na nangangarap mag-artista para makatulong sa pamilya.
“Gusto ko po maging isang mabuting halimbawa sa generation ko at sa mga darating pang generations na hindi masama mangarap, libre ang mangarap kaya try lang nang try hanggang makamit mo ‘yung pinapangarap mo sa buhay, kahit ano pa ‘yan.”
Ibinahagi rin nito kung paano siya nakapasok sa showbiz.
“Nag-message po kay tita Rodessa (manager niya), nakita ko po kasi ‘yung post nila sa audition, kaya sabi ko bakit hindi ko i-try eh dream ko maging artista.
“Kaya ayun po hindi na po ako nagdalawang isip na mag-audition at masuwerte naman at nakapasa.”
Ang Kapuso Primetime Queen Marian Rivera ang paborito nitong actress.
“Fave actress ko po si Ms Marian. Bukod sa maganda ay magaling siyang umarte.
“Magaling din siyang kumanta, sumayaw, at mag-host napaka-versatile, kahit anong projects na ibigay sa kanya nagagawa niya ng maganda.
Ngayon ay naka-focus si Judy Rose sa worshop para maging kasing husay ni Marian.
