HATAW! D'yaryo ng Bayan hatawtabloid.com
NAGPAPAKITA ng mga senyales na nais pumasok sa Philippine area of responsibility (PAR) ng Tropical Storm “Hagupit” sa Sabado ng gabi o Linggo ng umaga.
Ayon sa PAGASA, oras na pumasok sa PAR ang tropical cyclone, tatawagin itong “Caloy.”
Namataan ang sentro ng Hagupit sa 1,995 kilometers east ng Northeastern Mindanao at nanatiling nasa labas ng PAR.
Taglay nito ang hangin na may lakas na 65 kph at pagbugso na 80 kph. Kumikilos ang Hagupit pa-westward sa bilis na 20 kph.
Maaaring lumakas pa ang Hagupit sa susunod na 48 oras at maaaring umabot sa high-end tropical storm category.
Pero maaaring humina ito dahil sa unfavorable environmental conditions at maaaring maging tropical depression sa Martes habang nasa Philippine Sea.
Ayon sa PAGASA, maliit ang tsansa na makaapekto ang tropical storm sa lagay ng panahon sa susunod na tatlong araw.
