KMM ng TV5 dagdag thrill sa manonood

HARD TALK
ni Pilar Mateo

ITO na ang mga bagong pasabog ng TV5.

Matapos na ilunsad ang dalawang primetime shows na A Secret in Prague at My Bespren Emman, may handog naman sila para sa ikatutuwa ng viewers. 

Sa pamamagitan ng Kapatid! Manood at Manalo (KMM) promo, may dagdag thrill ang TV5 para sa manonood.

Habang nanonood, pwedeng manalo at magka-pera.

Araw-araw na ito hanggang June 5, 2026. Aabangan lang mula sa panonood ng 8:00 p.m. hanggang 9:30 p.m. ang hashtag na lalabas sa screen. Ipapasa lang ang bawat entry kada episode. Ii-scan lang ang promo code na lalabas na isusumite ang kompletong entry.

Ang simple lang, ‘di ba?

Nood. Abang. Scan. Win!!! 

Limang daily winners ng tig-P1K.  1 weekly winner ng P50K! At limang grand winner ng P500,000! bawat isa. Kalahating milyon! Saan ka pa!

Iba ring magbalik ng pasasalamat at pagmamahal sa manonood ang Cinco, ha!

Kaya, bibitiw ka pa ba?

Hindi naman mapapahiya ang network sa ipinag-aanyayang mga panoorin.  Dahil hindi tinipid ang produksiyon sa mga istoryang inihahain at mga talentong walang itulak-kabigin! Kaya, nood na!