Susan Enriquez ikinaloka dami ng charges sa Meralco bill

I-FLEX
ni Jun Nardo

NAWINDANG din ang broadcast journalist na si Susan Enriquez sa dami ng charges sa kanyang electricity bill na umabot sa more than P31k na ipinost niya sa kanyang Facebook, huh!

Litong-lito si Susan sa kung ano-anong charges ang idinikit sa bill niya. Especially ang system loss, taxes at kung ano-ano pang ikalilito talaga ng lahat.

Dagdag sa hinaing ni Susan, tila napakaraming dagdag-singil na hindi malinaw para sa napakaraming konsumer – isang hinaing na nararanasan din ng karamihan.

Hindi lang si Susan ang umiiyak sa electricity bill ngayon sa charges na ipinasagot sa consumer.