Miguel matagal makipag-relasyon: hindi ako ligaw nang ligaw

RATED R
ni Rommel Gonzales

SHOCKING as in nakagugulat ang rebelasyon ni Miguel Tanfelix na naranasan na niyang mabasted noon ng babaeng niligawan.

Guwapo, matipuno, at sikat na artista, tila mahirap paniwalaang may babaeng hindi magugustuhan ang binatang Sparkle artist.

Lahad ni Miguel, “Panigurado may mga times na na-basted na ako, lalo na noong mga bata pa.

“Pero hindi ko na masyadong maalala,” pagbabahagi ni Miguel sa recent guesting niya sa isang episode ng Your Honor.

Sinabi rin ni Miguel na mas mahalaga sa kanya ang mga pangmatagalang pakikipagrelasyon kapag nanligaw.

“Hindi ako ‘yung katulad ng ibang mga lalaki na parang ligaw nang ligaw nang ligaw.”

Sinabi rin ni Miguel na kapag nanliligaw siya ay isa-isa lamang at never nagsabay-sabay ng babaeng susuyuin.

Napakasuwerte ng girlfriend niyang si Ysabel Ortega, ‘di ba?

Samantala, milestone sa career ni Miguel ang kanyang unang solo hosting stint para sa upcoming travel show na Planet XP, na mapanonood mula Mayo 2, tuwing Sabado, 6:30 p.m. sa GMA.