CapEath series ikinatuwa ng fans

RATED R
ni Rommel Gonzales

TALAGA namang nagdiwang ang fans ng CapEath o Caprice Cayetano at Heath Jornales sa announcement ng GMA sa gagawing serye ng dalawang young artists.

Noong Sabado ay pormal na ibinalita ang kauna-unahang TV project na pagtatambalan ng dalawa – ang romantic drama series na You’re My Favorite Song.

Mapa-bagets o young-at-heart, pinusuan ng maraming netizens ang ayudang ito mula sa CapEath tandem.

”CapEath na CapEath na Ang mga Titas very excited,” say ng isang netizen.

Ito nga raw ang “pinaka good news narinig ko today,” ayon pa isa.

“Ang sarap sa eyes makita ang ‘CapEath,” comment naman ng isa sa official post ng Kapuso PR sa Facebook.

Makakasama ng CapEath ang kanilang fellow Pinoy Big Brother Celebrity Collab 2.0 alumni at kapwa Sparkle artists na sina Marco Masa at Clifford.

Ito ay sa ilalim ng GMA Public Affairs na marami na ring na-produce na hit TV series tulad ng Lolong, Black Rider, at My Ilonggo Girl.

This year mapapanood ang seryeng ito pero ngayon pa lang, abangers na ang CapEath shippers, siyempre!