HATAW! D'yaryo ng Bayan hatawtabloid.com
DUMALAW upang mag-courtesy call si PColonel Jay B Baybayan, officer-in-charge ng Bulacan Police Provincial Office, kay Gobernador Daniel Fernando, sa Provincial Capitol sa Malolos City, Bulacan, kamakalawa ng hapon, Abril 13, 2026.
Layunin ng pagbisita ni PCol Baybayan kay Gob Fernando na lalong palakasin ang koordinasyon at pakikipagtulungan sa pagitan ng Bulacan Police Provincial Office at ng Pamahalaang Panlalawigan ng Bulacan sa pagpapanatili ng kapayapaan at kaayusan, pagpapahusay ng mga inisyatibo sa kaligtasan ng publiko, at pagpapatibay ng mga programang pangkolaborasyon na makikinabang sa mga komunidad sa buong probinsya.
Binigyang-diin ng dalawang opisyal ang kahalagahan ng patuloy na kooperasyon upang matiyak ang tumutugon, epektibo, at nakasentro sa mga tao na serbisyo publiko para sa mga Bulakenyo. (MICKA BAUTISTA)
