HATAW! D'yaryo ng Bayan hatawtabloid.com
INILABAS na ng Metro Manila Film Festival (MMFF) ang schedule ng pagsusumite ng mga gustong sumali sa MMFF 2026.
Ang deadline ng submission ng Letter of Intent ay sa Mayo 15, 2026 na ipadadala sa email, [email protected]..
Ayon sa MMFF, ang script ay kailangang maisumite on or before 5:00 p.m. ng June 15, 2026.
Samantalang ang deadline ng finished film ay on or before 5:00 p.m.ng September 30, 2026.
Ayon sa mga tsikang nasagap namin, magco-collab sina Vic Sotto at Vice Ganda at posibleng muling gumawa ng pelikulang isasali ang mag-asawang Dingdong Dantes at Marian Rivera.
Sana’y matuloy nga ang collab nina Vic at Vice gayundin ang paggawa muli ng DongYang para maging masaya at masigla muli ang MMFF 2026.
Magkakaroon din daw ng Short Film Festival na pagsasamahan ng MMFF, Film Development Council of the Philippines (FDCP), at ng QCinema.
Taon-taon tuwing Disyembre, nagiging daan ang MMFF sa pagpapalabas ng mga pelikulang Filipino tuwing kapaskuhan. Nagsisilbi itong plataporma para sa parehong mainstream at independent filmmakers.
Ang ika-51 na edisyon noong nakaraang taon ay nahpalabas ng walong opisyal na mga entry na pinili mula sa 23 script na isinumite ng mga kompanya ng produksiyon. (MV)
