HATAW! D'yaryo ng Bayan hatawtabloid.com
MATABIL
ni John Fontanilla
PRESSURED ang Viva Artist na si Martin Venegas sa bagong proyektong ginagawa, lalo’t isa siya sa bida sa Viva One and Cignal Play first ever mystery crime-thriller Wattpad series adaptation, AkoSiIbarra’s
series na Project Loki with Dylan Menor, Jayda Avanzado, at Marco Gallo.
Ginagampan ni Martin ang role bilang si Alistair, ang matapat na kaibigan at tagapagtanggol ni Lorelei (Jayda) sa serye.
Ayon kay Martin, “Yes ‘yung pressure andoon pa rin. Since galing ako sa ‘Ang Mutya ng Section E,’ ‘yung transition mula romcom to thriller nakaka-pressure lang. Kasi ibang genre siya compare sa pinanggalingan ko.
“Pero at the same time, I’m excited kasi hindi na siya romcom, parang more on mystery na ito, like we gonna solve crimes mga ganoon, so ayun I’m so excited.”
Bata pa lang si Martin ay napapanood na ito sa mga commercial at ilang pelikula like The Ship Show, Pedro Penduko at sa matagumpay na series na Ang Mutya ng Section E, na ginagampanan nito ang role ni Denzel.
Bukod sa commercial at pag-arte naging recording artist din ito at nakapag-release ng ilang awitin.
At dito nga sa Project Loki ay inaral mabuti ni Martin ang role na ginagampanan niya, katulad ng ginawa niyang pag-aaral ng character niya sa Ang Mutya ng Section E.
“Sa ‘Ang Mutya ng Section E,’ si Kurt tapos si Michael, rowdy kami rito, makulit kahit off set. Makulit buong araw, buong taping day makulit kami alam din nila ‘yan.
“Tapos same lang po roon inaral namin ‘yung characters namin bago kami mag-workshops and sa mga taping namin.
“Ganoon din po rito sa ‘Loki’ inaral po namin ‘yung characters namin, binabasa namin and ‘yun naghahanap din kami ng paggagayahan ng character na puwede ibagay sa live adaptation ng characters namin.
“Tapos yung meds (medyo) na nakalilito kasi from makulit to rowdy ganoon. Ito serious and mystery, parang nakaka-ano lang siya nakaka-pressure kasi siyempre on the way pa ‘yung season 2 ng ‘Section E,’ parang palipat-lipat ako ng personality.
“Parang ayan makulit ako ngayon tapos bukas seryoso ako. Pero masaya ‘yun kasi parang dual ‘yung personality na ginagampanan ko,” esplika ni Martin.
Ilan pa sa makakasama nina Martin sa Project Loki sina Love Yauco as Margarrete, Iven Lim as Bastien, Joanna Lara as Rhiannon, Michael Keith as Rye Rubio, Ashley Diaz as Rosetta and Kurt Delos Reyes as Stein.
Ang AkoSiIbarra’s mystery-crime thriller series Project Loki will soon be available to stream on Cignal Play and Viva One app., directed by actor and pilot Xian Lim.
