Kazel pinuri ni Kylie, tuwang-tuwa kasali sa poster 

RATED R
ni Rommel Gonzales

FIRST time nagkasama sa isang project ang Sparkle female artist na sina Kazel Kinouchi at Kylie Padilla at ito ay sa My Father’s Wife ng GMA.

Puring-puri ni Kazel si Kylie.

“She’s… ang galing na artista.

“Sabi ko nga sa kanya, noong workshop kami, ‘Aabangan ko ‘yung awards mo’, oo.

“Kylie is very professional. She’s also very generous. 

“Parang ibibigay niya talaga sa iyo ‘yung… kung ano ‘yung… parang makagalaw ka rin, ‘yung character mo, ‘yung reaction mo.

“So ‘yun, it’s our first time, but in fairness to all the cast, wala talaga eh, at first, it felt awkward, parang siyempre… pero ‘yun nga, everything goes very lightly lang.”

Mga bida sa My Father’s Wife sina Kazel, Kylie, Jak Roberto, at Gabby Concepcion.

Puring-puri rin ni Kylie si Kzel sa pagigigng artista. 

Ano ang reaksiyon ni Kazel sa pagpuri sa kanya ni Kylie?

“Siyempre Kylie Padilla ‘yan!

“Anyway, thank you so much. I really appreciate that. 

“Finally, at least all the work, the efforts and all the waiting were all worth it, kasi now, I mean, ‘di ba, nasa ano na tayo, nasa poster na tayo. Ha! Ha! Ha!”

Bukod sa unang beses ni Kazel na nasa poster, first time rin na nasa titulo siya ng isang project, siya kasi ang “wife” sa My Father’s Wife.

“So iyon lang. Sana this will be the many firsts, maraming-marami pa sana ‘yung sumunod. Thank You Lord also.”

Sa direksiyon ni Aya Topacio, umeere na ngayon sa GMA Afternoon Prime, 2:30 p.m.,  ang My Father’s Wife na kasama rin sina Arlene Muhlach, Maureen Larrazabal, Sue Prado, Andre Paras, at Snooky Serna.